boozih

Very teny ambony helikoptera

Nisy lehilahy iray nitaingina helikoptera ary nisidina teo ambonin-na
tanin-katsaka midadasika ary nahatsiaro very izy dia nitady olona
hanontaniana. Nahita rangahy iray izy teny an-tanety ary nanontany:

- Hono aho rangahy tena very aho fa mba azonao lazaina ve aiza ho
aiza no misy aho izao?

Tsy taitra ranamana teny an-tanety namaly hoe:

- Ao anatin'ny helikoptera no misy anao.

Lasa ilay rangahy nisidina kanjo tsy naharitra fa niverina indray
nanontany an'ilay olona tety an-tanety hoe:

- Hono aho rangahy ity fa mpanao fizika teorika angaha ny asanao?

- Eny hoy ilay ranamana teny an-tanety fa ahoana kosa no
nahafantaranao izany?

- Tsy izany mantsy hoy ilay rangahy tao anaty helikoptera fa ny
zavatra nolazainao dia tena marina dia marina tokoa saingy tsy
misy ilana azy na dia kely aza.

Misy mangalatra ny lovia fihinanako

Tonga vahiny ireto mpianaka i Kotokely sy ny dadany, manana
alika kely volosina fotsy le be kiakiaka ireny rizareo. Efa
atoandro be ihany vao tonga ny vahiny iray fa tsy nampoizina hoe
hijanona hisakafo atoandro. Tsy teo moa ramatoa vadiny ka kamo
i dada ny hanasa lovia no sady efa sorena rahateo an'ity vahiny
tonga tsy mampilaza.

Nony nanomboka nisakafo rizareo dia nivovo: waouh!! waouh!!
tsy akijanona any amin'ny vahiny ilay alika. Tsy naharitra
ilay vahiny fa nanotany hoe:

- fa maninona no mivovo aty amiko foana ity alikanareo ity e!
izaho angaha fantany ?

- tsy fantatro izay nahazo azy io hoy i dadan'i Kotokely.

Tsy naharitra anefa i Kotokely ka niteny hoe:

- ka lovia fihinanany ange io ihinananao vary io e!
ka izay no mahatezitra azy io!!

Maro amitsika no efa nahavita adalana teto amin'ity fiainana mandalo ity! Tsy ny tanora ihany anefa no manao izany, fa na dia ireo efa zokiny be aza dia mbola "misary adala" foana!

Ao anatin'izany adalana izany indrindra mantsy no tena ahitana ny fiainana! Zaho akory tsy manentana atsika anao izany an!

Ao ohatra ny fisotrosotroina, na ny fifohana, na ireo ditra maro isan-karazany! Iza tamitsika moa no tsy nanao an'ireny?

Za manokana aloha dia tantaraiko ny mbo ditrako kely nataoko tamin'izany fotoana zany!

Fanaonay moa isan-taona ny maka rivotra any Ambila Lemaitso. Ary fotoana maharitraritra mihitsy no hijanonanay any! Mandeha aloha ny roa andro voalohany, mbola tsy mivoaka raditra, mbola tsisy demony mangitikitika!

Tonga amin'izay ny andro fahatelo! Manomboka mahazo namana!Dia raikitra amin'izay ny feu de camp isak'alina isak'alina! Izahay moa, sendra an'izay  ray aman-dreny mahafinaritra sy mahatoky ny zanany dia, navelany nivoaka izahay. Moa ny zokiko lahy ihany koa nanaraka anay!

Ny zavatra tsara ihany koa nandritra io fotoana io dia tsy mbo nisy ny gafigafy, satria tsy nisy nisotrosotro!

Sendra an'ny oram-be nefa izahay indray alina izay, ka tena kotsa! Tsy nisy na elo iray aza! Ny trano mbola lavitra ihany! Ataoko hoe eo @ gare an'ny soarano k atrany ankadifotsy!!!

Nahafinaritra tokoa rey olona tamin'izany! Nahalala zava-baovao, fa indrindrindrindra, nahita namana vaovao!

Zay ry reto a! Manaraka indray manao bebe e!